Fréttir

Total items: 1194

SR beið ósigur í sínum fyrsta leik

Dags: 29.09.2006 14:26

img_9769.jpg

Lítið fór fyir Íslandsmeistara-töktum í leik SR við Björninn á þriðjudaginn var.  Orkulausir og óagaðir SR-ingar máttu sín lítils á móti hressu og sterku liði Bjarnarins sem náðu að nýta sínar skyndisóknir vel og náðu oft á tíðum að komast 2, 3 og jafnvel 4 á móti 2 varnarmönnum SR sem höfðu í nóg að snúast.  Markmaður SR, Aron Leví Stefánsson, stóð vaktina vel og varði oft á tíðum ævintýralega með griphanskanum, sem er hans aðalsmerki.

Björninn hafði undirtökin nær allann tímann en SR-ingar náðu oft á tíðum góðum sóknum sem ekki tókst að nýta nægilega vel. Leikar fóru 6 - 3 fyrir Birninum. Það er nokkuð ljóst að SR-ingar þurf að taka sig saman í andlitinu ef þeir ætla sér að gera alvarlega atlögu að Íslandsmeistaratitlinum í ár.  En nóg er af leikjum og stigum í pottinum þannig að ekki er þörf á að örvænta strax.  Þeir sem skoruðu fyrir SR voru Þorsteinn Björnsson, Gauti Þormóðsson og Mirek Krivanek.   Hægt er að sjá myndir úr leiknum hér