Fréttir

Total items: 1194

Þeir gerast ekki stærri og sterkari!

Dags: 14.12.2005 22:52

chara_iso_194x275.jpg

Ottawa Senators liðið fer mikinn þessa dagana í NHL en þeir tróna á toppi deildarinnar með 22 sigra en aðeins 4 töp. Þessi árangur þarf ekki að koma á óvart því liðið er mjög vel mannað, t.d. með tvo af bestu sóknarmönnum Kanada, þá Jason Spessa og Dany Heatley, einn albesta markvörðinn, Dominik Hasek, og síðast en ekki síst einn öflugasta varnarmanninn í deildinni, Zdeno Chara. Slóvakinn Zdeno er engin smásmíði, 206 cm á hæð og 125 kg á þyngd, sá stærsti í sögu NHL. Fyrir nokkrum árum var farið fram á að hann fengi að nota lengri kylfu en reglur leyfðu, en á það var ekki fallist. Það virtist ekki koma að sök því hann hefur verið gríðarlega sterkur varnarmaður og nánast verið óhugsandi að komast fram hjá honum. Leikmenn tala um, kannski meira í gamni en alvöru, að það sé óréttlátt að spila á móti honum, svo sterkur sé hann og fljótur. Svo er hann með mjög góða kylfutækni og góð skot. Margir telja að hann verði kosinn í þetta sinnið varnarmaður deildarinnar og víst er að Ottawa stefnir hraðbyri að Stanley bikarnum þetta tímabilið.