Fréttir

Total items: 1194

Stjörnuleikur NHL um helgina

Dags: 08.02.2004 14:51

m3.jpg

Á hverju ári fer fer fram svokölluð Stjörnu-helgi í NHL þar sem þátt taka allar af helstu stjörnum NHL. M.a. fær almenningur að taka þátt í kosningu um þá leikmenn sem taka þátt en reynt er þó að sjá til þess að öll liðin eigi þarna leikmann. Leikmönnunum er skipt í tvö lið, þ.e. lið Austurdeildar og lið Vesturdeildar en undanfarin ár hefur það líka tíðkast að skipta í lið Evrópu gegn liði N-Ameríku. Stjörnu-helgin skiptist í tvær keppnir: tæknigreinar eða hæfileikakeppni (skills competition) og síðan stjörnuleik þar sem spilaður er leikur án mikillar snertingar (svona 3.flokks harka!).

Fyrri keppnin fór fram í gærkvöldi en m.a. var keppt í kylfutækni (stick-handling), skottækni (shot-accuracy), skautahraða og boðhlaupi. Austurdeildin vann þetta auðveldlega, 13-6. Jeremy Roenick úr Philadelphia hitti m.a. 4 skotskífur í 4 skotum (!), Adrian Acoin New York Islanders og Sheldon Souray Montreal Canadiens áttu föstustu skotin (164.4 km/klst) og hröðustu skautararnir voru svo Scott Niedermayer New Jersey Devils og Ilya Kovalchuk Atlanda Thrashers. Bestu markvörsluna sýndi svo Roberto Luongo Florida Panthers. Nánar hér.