Fréttir

Total items: 1194

Sigur í Egilshöll hjá 2.flokki

Dags: 10.12.2008 09:05

gallery/bjorninn_vs_sr_21102008/Images/29.jpg

Þeir sýndu það í gærkvöldi, 2.flokkur, að þeir eru fullfærir um að spila fantagott hokkí og þeir sem lögðu leið sína í Egilshöll urðu ekki fyrir vonbrigðum með leikinn.  Hraðinn var gífurlegur og skiptust liðinn á að sækja nánast látlaust allar loturnar.  Eftir fyrstu lotu voru Bjarnarmenn yfir 2 - 1 og leikurinn var allur í járnum.  Í annari lotu snéru SR-ingar leiknum sér í vil og skoruðu 3 mörk gegn einu marki Bjarnarmanna.  Í síðustu lotunni voru liðinn ekkert að slá af og sóttu sem aldri fyrr.  SR-ingar náðu þó að skora eina mark lotunnar án þess að Bjarnarmenn næðu að svara fyrir sig og endaði leikurinn með góðum sigri SR-ingar 3 - 6.

Að vanda, af öðrum ólöstuðum, fór Egill Þormóðsson mikinn í leiknum með 3 mörk og eina stoð.  Björn Róbert var það einnig, sýndi það að hann er harður í horn að taka þó að hann sé ekki mikill í vextinum.  Andri Þór Guðlaugsson átti eflust einn sinn besta leik í vetur í gærkvöldi þar sem hann var stöðugt ógnandi, mikil yfirferð og skoraði tvö mörk.

Það er gott til þess að vita að framtíðinn er björt hjá SR-ingum þar sem þessi aldursflokkur í SR er ósigraður og er liðið burðugt, sókndjarft og ákveðið. Eitthvað sem aðrir flokkar í SR eiga að taka sér til fyrirmyndar.

Mörk og stoð:
Egill Þormóðsson             3/1
Andri Þór Guðlaugsson     2/0
Tómas Tjörvi Ómarsson    1/0
Kristján F. Gunnnlaugsson 0/1
Björn Róbert Sigurðarson   0/1
Pétur Maack                   0/1
Ævar Þór Björnsson          0/1
Sturla Gíslason                0/1
Ragnar Kristjánsson          0/1