Dags: 29.01.2007 16:17
Ekki var sérlega beisin staðan hjá Meistaraflokknum eftir 2 leikhluta í leik
helgarinnar þar sem Akureyringar bitu hraustlega frá sér og hefðu, ef SR-ingar
hefðu lagst á bakið og gefist upp, náð að saxa verulega á forskot Íslandsmeistaranna.
SR-ingar virtust frekar illa fyrirkallaðir í leik sínum á laugardagskvöldið og
virtist allur áhugi vera víðsfjarri. Hvort að það hafi verið nýliðinn landsleikur
í handbolta, þar sem Íslendingar sigruðu, eða hreint áhugaleysi þar um að kenna.
SA-menn (og kona) mættu með ágætis lið til leiks þrátt fyrir að þónokkrir leikmenn
SA höfðu ekki færi á að mæta vegna meiðslana eða veikinda. Denni, þjálfari SA,
brá á það ráð að setja Söru Smiley í raðir meistaraflokks karla og verður það
að segjast að stóð hún sig með prýðir. Meistraflokkur SR þótti þetta nokkuð sérstakt
og vissu á köflum ekki hvernig ætti að meðhöndla kvennmann í íshokkí... en ekki
lengi. Einsog áður sagði voru Akureyringar heldur atkvæða meiri fyrstu tvo leikhlutana
og náðu að skora alls 3 mörk á móti 1 hjá SR. SR-ingar börðu sig saman milli
annars og þriðja leikhluta og mættu inná ísinn sem nýtt og endurbætt lið og spiluðu
einsog hershöfingjar það sem eftir lifði leiks og unnu leikinn 4 - 3.
Þeir sem skoruðu fyrir SR voru Daniel Kolar, Stefán Hrafnsson, Helgi Páll Þórisson
og Guðmundur Björgvinsson.
Einnig um helgina var hið stóra Laugardalsmót þar sem yngstu flokkar íshokkífélaganna
á Íslandi öttu kappi við mikin fögnuð foreldra og aðstandenda. Mótið gekk vel
fyrir sig einsog von er og vísa. Hámarkið á mótinu var mögnuð pizzaveisla þar
sem ungviðið torgaði heljarinnar býsn af pizzum. Allir vonandi sælir og glaðir
eftir það.