Dags: 28.11.2006 11:14
SR-ingar ætla að skunda fylktu liði uppí Egilshöll
og takast á við Björninn í einum síðasta íshokkí leik þessa árs (en ekki
tímabilsins). SR-ingar hafa verið sigursælir gegn Birninum undanfarið ef
undanskilinn fyrsti leikur liðanna þar sem Björninn fór með sigur af hólmi.
Styrkur SR-inga hefur vaxið ásmeginn eftir átök þarsíðustu helgar þar sem þeir
öttu kappi við SA í tveimur viðureignum sömu helgina. Í seinni leik þeirra liða
komu vængbrotnir SR-ingar til leiks, útlendinga lausir og einum stöndugum
varnarmanni færri. Rétt rúmar 2 línur hjá SR stóðu vel í SA-mönnum sem voru með
fullann bekk af frískum leikmönnum sem reyndu hvað þeir máttu til að buga
SR-ingana. Framan af náðu SR-ingar að halda aftur af SA-mönnum en fyrir rest
náðu þeir að auka forskotið og á endanum vinna leikinn. Meistaraflokkur SR sýndi
það í þessum leik að þeir geta vel spilað án erlendu leikmannanna og vel
undirmannaðir.
SR-ingar eru hvergi af baki dottnir og eru að gíra sig upp
fyrir átökinn við Björninn. Leikurinn byrjar kl.19:30 Í kvöld
í Egilshöllinni. SR-ingar eru hvattir til að mæta í höllina og hvetja sína menn
áfram til sigurs.
Áfram SR !!