Dags: 14.10.2004 21:57
Enn bólar ekkert á því að vinnudeila NHL leikmanna leysist og því hefur NHL deildin enn ekki hafist. Leikmennirnir sitja þó ekki auðum höndum og margir þeirra eru nú að spila á fullu í ýmsum deildum í Evrópu. Nú þegar hafa 204 NHL leikmenn skipt yfir í evrópsk lið og síðast í dag gekk skærasta stjarna Kanadamanna, Dany Heatley, yfir í SC Bern sem leikur í svissnesku deildinni. Skv. IIHF eru 43 NHL eikmenn í Tékklandi, 41 í Svíþjóð, 38 í Rússlandi, 19 í Sviss, 14 í Finnlandi og 12 í Slóvakíu. Svo eru á þessum lista lönd eins og Frakkland, Austurríki, Þýskaland, Ítalía, Slóvenía, Noregur og jafnvel England (!).