Dags: 21.03.2004 16:57
Á milli Írlands og Tyrklands er að venju bæði himinn og haf en að þessu sinn skildi aðeins pökkurinn þessar tvær þjóðir af. Sjöunda leiknum á HM í Laugardalnum er lokið með sigri Tyrklands 7 – 4. Báðar þessar þjóðir hafa leikið gegn íslenska landsliðinu og verið verðugir andstæðingar. Það var því búist við hröðum og skemmtilegum leik en bæði liðin hafa á að skipa sterkum og liprum leikmönnum.
Þessi fyrsta lota einkenndist af miklum sóknarþunga Tyrkja og baráttugleði Íra, sem skoruðu fyrsta mark leiksins á fjórðu mínútu. Tyrkir náðu þó ekki að svara fyrr en undir lokin og þá með tveimur mörkum á 18. og 19. mínútu. Lotan endaði 2 – 1 fyrir Tyrki.
Önnur lota byrjaði af miklum krafti af hálfu Tyrkja og gerðu þeir í henni fjögur mörk gegn engu frá Írum og leit út um tíma að Írar væru hreinlega hættir. Tyrkir voru allsráðandi og virtust eiga leikvöllinn enda með dómarana á sínu bandi. Þessi einstefna var frekar leiðinleg þó mörkin væru falleg og virtist sem leikmenn Tyrkja hefðu farið í smiðju íslenska landsliðsins í gerð marka, svo glæsileg voru þau. Lotan endaði 4 – 0 fyrir Tyrki.
Eitthvað hefur þjálfari Íra sagt við þá fyrir þriðja leikhluta, því þeir komu breyttir menn til leiks. Um tíma leit út fyrir að þeir tækju leikinn í sínar hendur með þremur mörkum í upphafi leikhlutans en agaður leikur Tyrkja ásamt marki kom í veg fyrir það. Þriðja lota endaði 3 – 1 fyrir Íra sem léku með hjartanu en það dugði því miður ekki, þeir urðu að játa sig sigraða fyrir þrekmeira og agaðra liði.
Áhorfendur sem voru flestir á bandi Íra skemmtu sér vel og voru sammála um að markmaðurinn, Kevin Keily, væri þeirra besti maður en Lengiz Ciplac hjá Tyrkjum.
Mörk og stoðsendingar,
Tyrkir:
Lengiz Ciplac 3/2
Froglu Onur 3/1
Eren Erbin 1/0
Serkan Yaptrilar 0/2
Emrah Ozmen 0/2
Galip Hamarat 0/1
Erdogan Losrun 0/1
Gokturk Tasdemer 0/1
Mörk og stoðsendingar,
Írar:
Stephen Hamill 1/1
William Morrison 1/1
David Morrison 1/0
Lawer Jurovich 1/0
Mark Bowes 0/1